تبليغاتX
آنایوردوم کلیان- میانه - افغانیستاندا یاشایان تورکلر
افغانیستاندا یاشایان تورکلر چهارشنبه هجدهم اردیبهشت 1387 9:18
افغانیستانین کئچمیش و موعاصیر تاریخیندا تورکلرین تاثیرلی رولو اولموشدور.او جومله -دن اون دوققوزونجو میلادی عصرین یاریلارینا دک بو منطقه ده تورکلر حکومت ائتمیشلر.تورک دوولتلری ساییلان غزنوی لردن،سلجوق لاردان،خوارزمشاه لاردان،
تیموری لردن،بابری لردن،صفوی لردن،افشارلاردان و احمدخان سلسله سیندن آد آپارماق اولار.
ایللر بویو غزنه شهری غزنوی لرین و هرات شهری تیموری لرین مدنیت مرکزلری اولموشدور.غزنوی لر و سلجوق لار تورک اولموشسادا فارسی دیلیندن ده آرتیق حمایه ائتمیشلر.
افغانیستان تورکلرینین اکثریتی اوزبک لر ایله تورکمن لر اولموشلار.
1-اوزبک لر:شبیرگان،میمنه،بالا مرغاب،بلخ ،مزار شریف و هرات دا یئرلشمیشلر.اونلارین جمعیتی ایکی میلیون نفردن آرتیق دیر.شیمال بیرلیگینین رهبرلریندن اولان جنرال عبدالرسول دوستوم اوزبک تورکلرینه عایید دیر.
2-تورکمن لر:ائندی خوی،بالا مرغاب،مروچک،هرات و مزارشریف ده یاشاییرلار.آلتی طایفادان تشکیل تاپمیشلار،او جومله دن:سالور،ارساری،ساریق،تکه،علی ائلی و چاودار دان آد آپارماق اولار.
3-قیرقیزلار:پامیر ایله واقهان دا اللی مین نفره یاخین جمعیت لری اولموش و یورد آدلی چادیرلاردا یاشاییرلار.
4-قزاق لار:خان آباد دا ساکین دیر لر ،بیر عیده لری ده قزاقیستاندان گلمیش و هرات دا یئر سالمیشلار.جمعیت لرینین سایی بللی دئییل.
5-قاراقالپاق لار:جلال آباد ایله مزارشریف ده یاشاییرلار.
6-قبچاق لار و قارلوق لار:قبچاق لار بلخ،چرشنبه و قیصر ده عومور سورورلر.قارلوق لار دا قاتاقان ایله بدخشان دا اولموشلار.بیرلیکده بئش یوز مین نفره یاخین نفوس لاری واردیر.
7-افشارلار:نادیر شاهین او یئرده قالمیش اوردوسوندان ساییلرلار،کابل ایله هرات دا یاشاییرلار.تخمینا دورد یوز مین نفره یاخین جمعیت لری اولموش و اونلارا قیزل باش دا دئییلیر.
8-قلزای لار،هزاره لر و چهار اویماق لار:اونلارین دیللری تورکی اولموش ،آمما ایندی
تورکی دیلینی یاددان چیخارمیشلار.دئمک اولار کی قلزای لار خلج تورکلرینین ائولادلاری اولموش و ایندی پشتو دیلینده دانیشیرلار .        
                                                                                   توپلایان:عسگر علیائی کلیان(یاشیل)
نوشته شده توسط آیدین  | لینک ثابت |