تبليغاتX
آنایوردوم کلیان- میانه - آچیلمایان بخت
آچیلمایان بخت چهارشنبه یکم خرداد 1387 8:50

آصلان پری آدلی بیر محنت چکمیش قادینین حیکایه سی
یازان:عسگر علیائی کلیان(یاشیل)
بیرینجی حیصه                       

ایگیرمی نئچه ایل بوندان اونجه,آصلان پری آدلی بیر قاری ننه میانانین کاغیذکونان بولگه سینین قورجا آدلی کندینده یاشاییردی.ایندی دوولت سندلرینده بو کند گورجق یازیلیر.بئله دئمه لی یم کی او قاری ننه نین کدرلی یاشایشی اینسانی آغیر فیکره دالیب اوریینی سیخیردی.
قاری ننه نین یئتمیش بئش یاشی اولاردی کی زمانه نین قایغی سی آغیر بیر شله کیمی اونون بئلینی بوکوب,آلنین قیریشدیرمیشدی.
بو دونیادا بیر عمی اوغلو دان سونرا داها آیری بیر کیمسه یه گومانی گلمیردی.اونون عمی اوغلوسودا منیم بویوک آتام ایدی کی کلگان(کلیان)کندینده یاشاییردی.اودا یئتمیش آلتی یاشیندا بیر قوجا کیشی دی کی بویوک آنام ایله بیرلیکده بیر اوچقون داخمادا یاشاییردیلار.
آصلان پری ایلده اون گونه یاخین بویوک آتام گیلده گلیب قوناق قالاردی.او,اون بئش کیلومئتیردن علاوه اولان یولو قیشدا یایدا پیادا گلیب گئدردی.آنام ایله خالالاریم کی عاییله صاحیبی دیلر آصلان پری ننه یه آرتیق حورمت ائدردیلر.
محنت چکمیش قاری ننه هردن ناهارا یا شاما بیزیم ائوده قوناق اولوب عادی بیر یئمک- له راضیلاشاردی.باشیندان کئچمیش لری دانیشیب,بیر نئچه بند بایاتی اوخویوب آغلایاردی.اونون آغلاماغی کیچیک یاشدا اولسایدیق دا بیزی ده آغلاداردی.
آردی وار
نوشته شده توسط آیدین  | لینک ثابت